الرجاء قبل ما توقع العقد اقرأه
وخذه معاك البيت واقرأه على رواقه
كنت استقدم الشغالات من مكاتب في الدمام
وللأسف هالمره قلت بأجرب مكاتب الجبيل (مكتب السبع الله يسبع وجيههم ولايهون السوداني معهم الله يقصف عمره على اسلوبه وفطاسته)
تقدمت للمكتب ودفعت الفلوس ووقعت العقد مثلي مثل اغلب الناس
اللي نوقع وثقتنا كبيره في الناس
وصلت الشغالة بعد خمس شهور
قلنا لعله خير
والخيرة فيما اختارها الله
بعد أسبوع قالت الشغاله : ابغي أسافر
قلت : معصي
ولمن اصرت وديتها المكتب وأدبوها
الأسبوع الثاني جاني اتصال في العمل من البيت
الحق الشغاله هربت
قلت في جهنم وبأس المصير
بعد ألغدا استأذنت من رئيسي في العمل
ورحت شرطة الجبيل ابغي أسوي بلاغ
وصلت الشرطة وقلت لهم الموضوع
قال لي واحد منهم روح تحت الدرج يمكن تشوف شغالتك
وفعلاً لقيتها منسدحه مع شلتها الشغالات ومبسوطة
أخذتها للمكتب وعلمتهم السالفة انها شردت وصادوها الشرطة
قال لي صالح السوداني : سفرها على حسابك وجيب لنا تأشيرة الخروج
على حسابي يالظالم !!! اجل وين الضمان الثلاثة شهور
قال : أنت موقع عغد ( عقد )
أمنا بالله
وسفرتها على حسابي
وجبت للسوداني ورقة الخروج
قال لي ادفع 1800 ريال
قلت له : خير ان شاء الله .. ليه ؟
قال : انت موقع عغد ( عقد )
12- في حالة رفض العمل خلال فترة الضمان يدفع الطرف الثاني 1800 ريال مقابل البديل
بصراحة حسيت خلالها اني استأهل اللي صار لي
بس ما توقعت ان فيه ناس تستغل طيبتنا
ومن زود قهري
رحت للأماره شكاااي
وللأسف ماحولك احد
يمكن تقولون عني غبي
لأني رحت للسوداني وقلت له عطني ورقة التأشيره
وماعاد ابغى منكم شئ
الله لا يسامحكم لا دنيا ولا آخره
وراحت فلوسك ياصابر
احد يخبر لنا مكتب سنع
------------------------------------------------
@ مجموعة علك البريديه @ عالم جميل تصنعه البساطه
http://groups.yahoo.com/group/3lk
http://groups.yahoo.com/group/3lk
http://groups.yahoo.com/group/3lk
http://groups.yahoo.com/group/3lk
http://groups.yahoo.com/group/3lk
http://groups.yahoo.com/group/3lk
------------------------------------------------
* طريقة الاشتراك في القروب : ارسل رسالة فارغه على العنوان التالي
3lk-subscribe@yahoogroups.com
سوف تصلك رساله الرجاء اعادتها لكى يتم تأكيد الاشتراك
------------------------------------------------
طريقة الانسحاب من القروب : ارسل رسالة فارغه على العنوان التالي
3lk-unsubscribe@yahoogroups.com
سوف تصلك رساله الرجاء اعادتها لكى يتم انسحابك
------------------------------------------------
الارسال لجميع اعضاء مجموعة علك على البريد التالي
group3lk@gmail.com
Change settings via the Web (Yahoo! ID required)
Change settings via email: Switch delivery to Daily Digest | Switch format to Traditional
Visit Your Group | Yahoo! Groups Terms of Use | Unsubscribe
No comments:
Post a Comment